Breaking News

مون سون کا آخری سسٹم پاکستان میں داخل : کن شہروں میں موسلا دھار بارش کا امکان ہے ؟ جانیے

اسلام آباد(نیوز ڈیسک) مون سون کا آخری سسٹم پاکستان میں داخل : کن شہروں میں موسلا دھار بارش کا امکان ہے ؟ جانیے۔۔۔۔ماہرینِ موسمیات نے بتایا ہے کہ مون سون کا آخری سسٹم کل خلیجِ بنگال میں بن سکتا ہے۔چیف میٹرولوجسٹ سردار سرفراز نے بتایا ہے کہ خلیجِ بنگال میں کل ہوا کا کم دباؤ بن سکتا ہے۔

انہوں نے یہ بھی بتایا ہے کہ ہوا کے اس کم دباؤ کا رخ وسطی بھارت کی جانب رہے گا، تاہم کراچی سمیت سندھ میں اس سسٹم کے زیرِ اثر بارش کا امکان نہیں ہے۔موسمیاتی تجزیہ کار جواد میمن کا اس حوالے سے کہنا ہے کہ مون سون کا آخری سسٹم کل خلیجِ بنگال میں بن سکتا ہے، البتہ مغربی ڈسٹربنس سرگرم ہونے پر سسٹم کے اثرات پاکستان پر کم رہیں گے۔انہوں نے بتایا کہ اس سسٹم کے زیرِ اثر بالائی پنجاب اور خیبر پختون خوا میں بارش ہو سکتی ہے، تاہم سیلاب زدہ علاقوں میں موسم گرم رہنے کا امکان ہے۔موسمیاتی تجزیہ کار نے بتایا کہ ستمبر کے آخر یا اکتوبر کے ابتدائی دنوں میں مون سون ختم ہو جائے گا۔جواد میمن نے بتایا ہے کہ رواں سال پاکستان میں موسمِ سرما میں معمول سے کم درجۂ حرارت رہنے کا امکان ہے۔ان کا کہنا ہے کہ ملک کے شمالی علاقوں اور پنجاب میں سردی کا آغاز 10 سے 15 دن پہلے ہو سکتا ہے، پاکستان کے شمالی حصے میں سردی کی شدت زیادہ رہ سکتی ہے۔موسمیاتی تجزیہ کار جواد میمن کے مطابق مغربی ڈسٹربنس سے برف باری اور موسمِ سرما کی بارشیں کم رہیں گی۔انہوں نے مزید بتایا ہے کہ صوبۂ سندھ میں موسمِ سرما کا آغاز نومبر کے وسط سے ہو سکتا ہے، یہاں بھی سردی کی شدت زیادہ رہنے کی توقع ہے۔موسمیاتی تجزیہ کار جواد میمن کا یہ بھی کہنا ہے کہ کم درجۂ حرارت اور کم بارشوں کے باعث اسموگ اور دھند کے مسائل رہیں گے۔

About admin

Check Also

ہر جگہ آصف زرداری کے ساتھ دکھائی دینے والی یہ خاتون کون ہیں؟ یہ سابق صدر کو اکیلا کیوں نہیں چھوڑتیں؟

اسلام آباد(نیوز ڈیسک) اکثر سوشل میڈیا پر مشہور شخصیات کے ساتھ کچھ ایسے لوگ بھی …

Leave a Reply

Your email address will not be published.