Breaking News

این اے 75 ڈسکہ کا ضمنی الیکشن کون جیتے گا ؟ ارشاد بھٹی کی تہلکہ خیز پیشگوئی

اسلام آباد(نیوز ڈیسک) نجی ٹی وی چینل کے پروگرام میں میزبان علینہ فاروق شیخ کے سوال این اے 75ڈسکہ ضمنی انتخاب گزشتہ الیکشن کومدنظر رکھتے ہوئے کون سی جماعت جیتے گی؟ کا جواب دیتے ہوئے تجزیہ کاروں نے کہا کہ ڈسکہ الیکشن میں کسی کی ہار یا جیت کی پیشگوئی نہیں کرنی چاہئے۔

ڈسکہ کے شہری علاقوں میں ن لیگ کا بڑا اثر و رسوخ ہے لیکن پی ٹی آئی کے امیدوار ملہی صاحب کا دیہی علاقوں میں ووٹ بینک ہے۔نمائندہ جیو نیوز ڈسکہ عمر اعجاز نے کہا کہ ڈسکہ میں ووٹر انتظامیہ سے فول پروف سیکیورٹی کی فراہمی کی امید لگائے بیٹھے ہیں، آج ڈسکہ میں 19فروری کے الیکشن سے زیادہ ٹرن آؤٹ دیکھنے میں ملے گا،ڈسکہ میں ن لیگ کے ووٹرز زیادہ نظر آرہے ہیں۔ نمائندہ جیو نیوز راناعنصر نے کہا کہ سیالکوٹ میں کورونا وائرس کی صورتحال خطرناک ہے، سیالکوٹ کی 15یونین کونسلوں میں اسمارٹ لاک ڈاؤن چل رہا ہے، این اے 75کی ایک یونین کونسل میں بھی اسمارٹ لاک ڈاؤن جاری ہے۔ارشاد بھٹی کا کہنا تھا کہ الیکشن کمیشن نے ڈسکہ میں تو دوبارہ پولنگ کا حکم دیدیا لیکن سینیٹ کے مضحکہ خیز الیکشن پر کوئی ایکشن نہیں لیا، ڈسکہ الیکشن میں مسلم لیگ ن کا پلڑا بھاری دکھائی دیتا ہے، ڈسکہ سے مسلم لیگ ن6مرتبہ جیت چکی ہے، بیروزگاری، مہنگائی اور غربت پی ٹی آئی حکومت کو غیرمقبول بنارہی ہے۔جبکہ ڈسکہ ضمنی انتخاب کے حوالے سے سینئر صحافی حامد میر بھی میدان میں آئے اور ٹویٹر پر پیغام جاری کرتے ہوئے کہا کہ ” آج ڈسکہ میں دھند نہیں ہوگی البتہ دھول اُڑنے کا کافی خطرہ ہے اس لئے دھول اور کورونا سے بچاو کے لئے سب ماسک پہن کر نکلیں شکریہ۔“ پاکستان تحریک انصاف کے امیدوار اسجد علی مہلی اور مسلم لیگ(ن) کی نوشین افتخار کے درمیان کانٹے کا مقابلہ متوقع ہے۔

About admin

Check Also

پنجاب کا وہ دبنگ سیاستدان جو تحریک انصاف میں آنے کو تیار، کپتان بھی راضی مگر تحریک انصاف کے مرکزی رہنماؤں نے انکار کر دیا

اسلام آباد(نیوز ڈیسک) یوں یوں جنرل الیکشن کا وقت قریب آتا جا رہا ہے ویسے …

Leave a Reply

Your email address will not be published.