Breaking News

قرآن پاک کی وہ سورۃ جس کی ایک دفعہ کی گئی تلاوت اللہ کے حضور، آدمی کی سفارش کرے گی حتی کہ اسے بخش دیا جاۓ گا

اسلام آباد(نیوز ڈیسک) قرآن مجید ایک ایسی عظیم کتاب ہے جو ایک مکمل ضابطہ حیات ہے دنیا کے تمام مسائل کا حل قرآن مجید میں موجود ہے جو کوئی قرآن مجید کو ایک بار ترجمے کے ساتھ پڑھ لے آس کی تمام مشکلات ختم ہو جاتی ہیں ابوھریرۃ رضی اللہ تعالی عنہ بیان کرتے ہیں کہ نبی صلی اللہ علیہ وسلم نے ارشاد فرمایا :قرآن مجید میں ایک ایسی سورۃ ہے جس کی تیس آیات ہیں ۔

وہ آدمی کی سفارش کرے گی حتی کہ اسے بخش دیا جاۓ گا ، اوروہ سورۃ تبارک الذی بیدہ الملک ہے ۔ سنن ترمذی حدیث نمبر ( 2891 ) سنن ابو داود حدیث نمبر ( 1400 ) سنن ابن ماجۃ حدیث نمبر ( 3786 ) ۔امام ترمذی رحمہ اللہ تعالی اس حدیث کے بارہ میں کہتے ہیں کہ یہ حدیث حسن ہے اور شیخ الاسلام ابن تیمیۃ رحمہ اللہ نے مجموع فتاوی ( 22 / 277 ) میں اور محدث عصر علامہ البانی رحمہ اللہ تعالی نے صحیح ابن ماجۃ ( حدیث نمبر 3053 ) میں اسے صحیح قرار دیا ہے ۔اس حديث سے مراد اور مقصود یہ ہے کہ انسان اس سورۃ کو ہر رات پڑھے اور اس کے احکام پر عمل کرے اوراس میں پائ‏ جانے والی اخبار پر ایمان لاۓ ۔عبداللہ بن مسعود رضی اللہ تعالی عنہما کہتے ہیں کہ جس نے ہر رات تبارک الذی بیدہ الملک پڑھی اللہ تعالی اس کی وجہ سے اسے عذاب قبر سے نجات دے گا ، ہم اس سورۃ کو نبی صلی اللہ علیہ وسلم کے دور میں المانعۃ بچاؤ کرنے والی سورۃ کہتے تھے ، کتاب اللہ میں یہ ایسی سورۃ ہے جو بھی اسے ہررات پڑھے گا اس نے بہت اچھا اور زيادہ کام کیا ۔ سنن النسائ ( 6 / 179 ) الترغیب و الترھیب 1475 میں علامہ البانی رحمہ اللہ تعالی نے اسے حسن کہا ہے ۔تو اس بنا پر یہ امید رکھی جاسکتی ہے کہ اللہ تعالی کی رضا کےلیے جو بھی اس سورۃ پر ایمان رکھے اور اسے پڑھے گا اور اس میں جو کچھ بیان کیا گیا ہے اس سے عبرت حاصل کرتے ہوۓ اس کے احکام پر عمل کرے گا اس کے لیے یہ سورۃ شفاعت کرے گی ۔واللہ تعالی اعلم۔

About admin

Check Also

دعاکبھی رائیگاں نہیں جاتی ،اللہ تعالیٰ سے بات منوانے کاطریقہ کیاہے،دل کوچھولینے والی باتیں

اسلام آباد(نیوز ڈیسک) میں نے ان سے ایک سوال پوچھا ’’اللہ تعالیٰ سے بات منوانے …

Leave a Reply

Your email address will not be published. Required fields are marked *