Breaking News

کپتان کی تنخواہ تو کچھ بھی نہیں۔۔۔! !!وہ کون سے سیکرٹریز اور افسران ہیں جن کی تنخواہ وزیراعظم عمران خان سے 3 گنا زیادہ ہے؟ اجمل جامی کا تہلکہ خیز انکشاف

اسلام آباد(نیوز ڈیسک) وزیراعظم عمران خان کی تنخواہ تو کچھ بھی نہیں، ان سے 3 گنا زیادہ سیکرٹریز اور افسران تنخواہ لیتے ہیں، اس بات کا انکشاف معروف تجزیہ کار اجمل جامی نے کیا، انہوں نے کہا کہ پارلیمنٹ کے مشترکہ اجلاس سے پاکستان میڈیکل کمیشن بل کی منظوری کے بعد پی ایم ڈی سی باقاعدہ غیر فعال ہو گئی۔

ساٹھ کی دہائی میں معروض وجود میں آنے والے ادارے پی ایم ڈی سی میں کل ڈھائی سو ملازمین کام کرتے ہیں، نئے بل میں ایک شق کے ذریعے ان کی ملازمتوں کے تحفظ کو یقینی بنانے کی کوشش کی گئی ہے لیکن نئے بل سے پہلے ادارے کے یہ ملازمین کس قدر معاوضہ وصول کرتے تھے، ہوشربا تفصیلات سامنے آ گئیں۔ ذرائع سے ملنے والی تفصیلات کے مطابق ادارے کے پرائیویٹ سیکرٹری وزیر اعظم پاکستان سے تقریباً تین گنا زیادہ یعنی 6 لاکھ 5 ہزار روپے تنخواہ وصول کرتے ہیں۔ اکاؤنٹ افسر 4 لاکھ 43 ہزار، پرسنل افسر 4 لاکھ28ہزار تک بھاری بھرکم معاوضہ وصول کرتے رہے۔ نئے قانون کے مطابق ادارہ اب ان ملازمین کا از سر نو تقرر اور تنخواہوں کا تعین بھی کر سکے گا۔ اس سلسلے میں پی ایم ڈی سی کے سابق ذمہ دار سے رابطہ ہوا تو انہوں نے بتایا کہ چونکہ سالہا سال سے ملازمین کی ترقیاں نہ ہوسکیں اس لئے ان کے تنخواہیں سالانہ بنیادوں پر بڑھتی رہیں کئی دیگر اداروں کے ملازمین بھی بھاری معاوضوں پر کام کرتے ہیں۔ پی ایم ڈی سی کے ملازمین کی دستیاب فہرست کا جائزہ لیا جائے تو معلوم ہوتا ہے پرائیویٹ سیکرٹری، پرسنل آفیسر کے عہدوں پر مجموعی طور پر پانچ افراد ملازمت کر رہے تھے جن کی زیادہ سے زیادہ تنخواہ 6 لاکھ اور کم سے کم2لاکھ 90 ہزار تھی۔

فرنٹ ڈیسک آفیسر ایک لاکھ62ہزار لیتا تھا۔ فائلیں نتھی کرنے والے عہدیدار جنہیں کی پنچ آپریٹر کہا گیا ایک لاکھ 64 ہزار، سٹینو ٹائپسٹ ایک لاکھ 37 ہزار سے تین لاکھ21 ہزار جبکہ سینئر ڈرائیور ایک لاکھ 48 ہزار روپے تک تنخواہ وصول کرتا تھا۔ دلچسپ امر یہ ہے کہ فریش ڈاکٹر 60 ہزار جبکہ پی ایم ڈی سی کے ہاں تعینات ایک ڈرائیور ایک لاکھ 42 ہزار تنخواہ وصول کرتا رہا۔ پی ایم ڈی سی کے سابق ذمہ دار نے مزید پوچھنے پر بتایا کہ ان تنخواہوں سے ٹیکس بھی کاٹا جاتا اور دیگر مراعات شامل نہیں ہوتی تھیں۔ پی ایم ڈی سی تنخواہیں خود جنریٹ کرتا نہ کہ حکومت سے لیتا۔ پی ایم ڈی سی کی مجموعی ماہانہ تنخواہیں 3 کروڑ 10 لاکھ، بنیادی تنخواہ ایک کروڑ سے زائد جبکہ الاؤنسز کی مد میں دو کروڑ سے زائد کی رقم خرچ ہوتی، صرف ہیلتھ الاؤنس کی مد میں پچاس فیصد الاؤنس خرچ ہوتے۔ آڈیٹر جنرل اسی نقطے پر ہمیشہ اعتراض اٹھاتے رہے۔ نئے قانون کی روح سے اب پاکستان میڈیکل کمیشن میڈیکل اور ڈینٹل ایجوکیشن سے لے کر ان کی پریکٹس تک کے معاملات کو ریگولیٹ کرے گا۔پہلی بار کونسل میں ڈاکٹروں کے علاوہ بھی شعبہ ہائے زندگی کی نمائندگی یقینی بنائی گئی ہے تاکہ عوامی حقوق کا تحفظ یقینی بنایا جاسکے۔

About admin

Check Also

پٹرول کی قیمت میں 20 روپے کمی کر دی گئی مگر 20روپے کم پٹرول صرف کن پاکستانیوں کو مل سکے گا ؟ آخر کارحکومت نے بڑی خوشخبری سنا دی

اسلام آباد(نیوز ڈیسک) یاد رہے کہ 16 اکتوبر کو حکومت نے پیٹرولیم مصنوعات کی قیمتوں …

Leave a Reply

Your email address will not be published. Required fields are marked *